#所羅門群島 #顏色革命 #白皮書
2019年4月25日，所羅門群島舉行國會選舉後，梅納西。蘇嘉瓦瑞再度當選，呢次亦都係佢第四次擔任所羅門群島總理。但係佢當選之後，就出現暴力示威嘅情況，對象更針對中國商家。究竟發生咩事，等我為大家透過呢件事分析一下中國、美國嘅關係同香港嘅民主進程！

六十四歲嘅蘇嘉瓦瑞重返政權後，當地再度發生暴動，情況就好似二〇〇六年大選後嘅第二日，霍尼亞拉嘅中國城遭到燒毀，政府最後出動警察強力制止抗爭。
 
因為同台灣地區建交友好二十年之後，所羅門群島越來越多嘅政治領導高層表明意向，佢哋已經準備轉向新嘅合作夥伴北京。繼非洲，加勒比海同埋中美洲多國斷交，台灣地區領導人知道，佢哋必須努力同支持佢哋嘅少數太平洋島國維持友好關係，具體嚟講有六個：諾魯，吉里巴斯，帛琉，馬紹爾群島，圖瓦盧同埋所羅門群島。所羅門群島係呢啲太平洋島國中人口最多而且面積最大嘅國家。自二〇〇三年同所羅門群島建立密切關係以嚟，台灣地區一直好慷慨。定期訪問，捐贈同埋進貢各種政治資助。二〇一六年當選嘅蔡英文亦都唔例外。係所羅門大選前一個月，台灣地區承諾會贊助興建二〇二三年係索國舉辦嘅第十七屆太平洋運動會場館，二〇一九年七月，台灣地區一家營造公司同所羅門群島政府簽署工程合作備忘錄，將承建容納一萬兩千個座位嘅體育場。
 
但係而家，面對國家係大洋洲嘅投資，台灣地區同埋所羅門之間嘅友誼岌岌可危，其他大洋洲嘅鄰國，都加入「新絲綢之路」，中國一直希望所羅門敞開大門。
 
中國近年來係所羅門大量投資，對該國經濟影響巨大，甚至取代澳洲成為其第一大貿易夥伴，中國囊括所羅門出口總額嘅三分之二。呢片以天堂般嘅潟湖同埋海灘聞名嘅太平洋瑰寶，佢哋熱帶林木帶來嘅綠色黃金，係全球伐木業所覬覦嘅對象。二〇一七年，所羅門群島向中國出口兩百萬立方公尺的原木，相當於十年前的兩倍。中國企業嘅發展唔限於原木。中國嘅國營企業中國土木工程集團，以及中國港灣工程有限公司亦都參與其中，雙方簽訂建設一所國立大學嘅合約中，內含修建道路工程嘅合約。二〇一七年，所羅門政府宣布已簽署一項合約，由著名中國設備供應商嘅子公司，華為海洋網絡有限公司，建造所羅門同埋澳洲之間長達四千公里嘅海底電纜。澳洲政府嘅安全部門甚感不安，佢哋幾個月以來一直警告所羅門呢個方案嘅危險性，聲稱咁樣會令華為可以進入澳洲網路，從事網路間諜活動。最後，澳洲祕密情報局局長親自前往霍尼亞拉，終於成功阻止呢項協議。幾個月後，澳洲同所羅門議定新嘅計畫，委由一家美國公司承包未來嘅海底電纜，並由澳洲支付大部分嘅建造費用。
 
當時嘅所羅門總理被懷疑收受華為四百萬歐元佣金，二〇一七年十一月以不信任投票被迫下台。呢位總理就是梅納西。蘇嘉瓦瑞，一年半以後，佢再度重登元首寶座。然而，台灣地區期待可以同呢位「朋友」再次合作，蘇嘉瓦瑞卻係意向不明。佢係岩岩上任時宣布「暫時同台灣地區維持現狀」，但明確表示將重新決定未來嘅邦交對象。於二〇一九年九月同台灣地區斷交。咁樣令澳洲同埋美國擔心中國係南太平洋地區嘅影響力日益擴張。二〇一八年五月，澳洲媒體報導，所羅門最大島瓜達康納爾島同中資洽談，要將前美軍釋出嘅「亨德森」機場改建升級，作為觀光樞紐，以應付觀光人潮。面對強烈抗議，所羅門政府作罷。但係瓜達康納爾島市長安東尼·維克仍準備同中國合作，佢定期到廣東省訪問，並派遣專員到廣東省接受水產養殖培訓。係呢場新嘅瓜達康納爾島戰役中，美國並無有力論據。華盛頓政府擴大援助，對太平洋島國撥款超過三億五千萬美元。在所羅門大選前幾週，特朗普係二〇一九年三月趕緊派遣兩名高階官員造訪霍尼亞拉。同時，世界銀行承諾撥款五千一百萬美元，協助所羅門機場嘅現代化工程。呢啲遲來嘅禮物見證美國重新關注太平洋地區。

2021年11月24日，人口最稠密嘅馬萊塔省民眾因諸多國內議題而深感憤怒，因此前往霍尼亞拉示威，佢哋不滿嘅原因包括政府承諾發展基礎建設卻未兌現。以及對蘇嘉瓦瑞政府2019年同台灣地區斷交、改同中國建交後累積嘅不滿有關。佢哋遊行至國會，燒毀附近嘅一間茅草屋，接著前往霍尼亞拉嘅中國城，係一處警局縱火、打劫多間商店，隨後警方發射催淚瓦斯驅散人群。
 
大家有冇發現所謂示嘅威者一方面不滿基礎設施未能依進度發展，一方面埋怨政府同台灣地區斷交好矛盾。據外媒所寫，一路以嚟就係由台灣去供錢俾所羅門政府，咁即係話所羅門嘅基建發展唔好係因為台灣做唔到嘢，反觀中國投入支援幫助所羅門興建海底電纜等基礎設施，又係澳洲等國命令所羅門政府唔準做先無做到。同幫到你嘅國家拉近關係反而令市民不滿？長年以來關係密切但係完全幫唔到手嘅冗員，反而有人要用暴力去掩護佢？合理咩？普通市民又點會理會政府同邊一個地方關係友好，正常邊會有市民因為政府同一個地方關係疏遠咗冒住坐監嘅風險就出嚟犯法：打擲燒、搶野呢。咁你就諗到成場暴力事件，明顯針對中國商家，幕後指使人正正就係害怕自己生意受損嘅美國、澳洲等西人。而且手法完全於2019年香港暴動事件嘅策劃手法如出一轍。
 
講起2019年，呢場由一班外國勢力策劃嘅顏色革命暴動事件，絕對係香港有史以來最黑暗嘅時期，慶幸有中央政府即時落實國安法，迅速遞捕同埋懲治大部份違法暴徒。但係除咗明目張膽犯法嘅人之外，其實政府、議會、甚至乎社會上，仲充斥住比外國勢力所收買嘅漢奸或已經被洗腦嘅人。如果只清除表面一班人，敵人依然會在暗處向幼小一輩進步洗腦工程，或利用要職阻礙香港發展。
 
《「一國兩制」下香港的民主發展》白皮書係繼2014年國新辦發表的《「一國兩制」在香港特別行政區的實踐》白皮書後，另一份重磅嘅白皮書。不過前者重點闡釋中央對香港嘅全面管治權，明確提出愛國係對治港者主體嘅基本政治要求；最新一本白皮書糾正返香港社會對於中央權力、對於「一國兩制」嘅錯誤觀念，不但有助解釋市民嘅疑惑，更一錘定音定調左香港嘅民主路。呢個一條有別於西方嘅民主路，亦都係一條彰顯中國式民主底氣同埋自信嘅民主路。
 
其實祖國先係香港民主發展真正嘅推動者、捍衛者，係憲法同埋基本法構成香港民主發展嘅憲制基礎。英國政府管治香港咁多年有無比過香港民主？係無！佢只比咗一個貪污腐敗嘅政府我地，種族歧視階級觀念極重嘅生活環境。直到祖國接返香港，係香港嘅華人先有真正嘅自由，我哋唔使再低人一等，我們有自由去選擇自己喜歡嘅工作、學校，亦先真正有得投票選議員。不過從來民主並唔係所謂嘅一人一票選議員選特首，大家講民主前先了解民主，而世界上並無亦都唔會有完全嘅民主，如果人唔係完全自律就唔適用完全嘅民主。
 
我地睇到美國喺唔同國家嘅所作所為，灌輸嘅並唔係真正嘅民主思想，只是佢哋國家嘅金錢政治思想，所有事情只以美國利益為先。民主應該係全人類嘅共同價值，係各國人民的權利，而唔係某個國家嘅專利！

YOUTUBE🔎NTT Media 👆訂閱 🔔 即時通知
——————————————————
希望大家可以幫手：
1. 訂閱《新界主場 NTT Media》
2. 讚好並留言支持；
3. 將此影片分享開去，聚集更多香港人力量！

source