香港移民潮出現咗大約兩三年，我身邊好多朋友及同事都走咗，數字比97移民潮更多，而他們大多數移民地方都係英國、加拿大、澳洲定台灣，我雖然一直都心郁郁想走，但都係貪想係香港揾多幾年錢，將來生活可以過得舒服啲。

移民 英國準備 系列
EP1 秘走英倫
EP2 4個理由
EP3 回流定移民
EP4 To Do List
EP5 移民英國 使費
EP6 英國 開支
EP7 BNO Visa 申請失敗

#2023移民 #移民英國洗費 #英國移民

但世界變得好快，特別係香港，已經唔係我以前認識嘅地方，再加上種種原因，迫使我唔可以再等啦，要開始計劃移民。
而我同太太商量過後，決定選擇英國「BNO 5+1」，開始做資料搜集後，發覺呢幾年好多野唔同咗，YouTuber、KOL兩三年前嘅分享，啲料已經過時。例如樓價、生活費、地點選擇、政策、手續都變曬。
既然係咁，不如我就拍片分享我揾到嘅最新資料，我亦會分享我係當地朋友給我嘅最新消息，以及其他專家給我的意見。

歡迎你觀看呢個Channel，我係土生土長香港，操流利廣東話及粗口，開呢個Channel初心係想為自己做個紀錄。

紀錄啲乜呢？就係我即將要離開香港一家移民去英國，係移民唔係移居，即係預計去咗就唔會返嚟。所以當決定咗要離開之後，個心真係好唔捨得，雖然呢幾年已經唔知有幾多個朋友、同事移民，散水餅亦都食過Ｎ次，但當呢一刻到發生係自己身上，原來感覺真係好複雜。所以好想為自己做個日誌式紀錄，將來自己同個女睇返都會好值得懷念。

另一方面有想過我做個頻道出來會唔會無人睇？因為真係已經有好多人出片講過，我自己亦都係有睇各位前輩先驅嘅片攞料，但老老實實世界係不繼地變，特別移民英國真係幾個月前同現在已有好大分別，所以我估可能有一班同我差唔多時候要離開的朋友，睇我嘅影片會幫到手。

我影片嘅特式係應精簡時精簡，應詳細時詳細。講完好似無講咁。因為我有時睇其他人嘅影片（例如開唔知乜戶口咁）明明個YouTuber話右上角有得按ＸＸＸ，但佢只Cap一張圖就講成幾分鐘，搞到我揾好耐都揾唔到佢所講啲地方，其實呢啲位就位應該好詳細咁一步步帶大家去做，咁就正啦。

最後要講下點解個Channel叫【秘走英倫】？因為真係無人知，亦唔想俾同事知，因為唔想引起任何閒言閒語，所以先同大家講聲唔好意思，唔可以用真面目見大家。不過我覺得大家都唔會介意，因為最重要都係內容。

唔講咁多廢話啦，去片啦，大家有乜意見問題都歡迎留言俾我，希望大家都順利到英國，有緣就大家做個朋友，什至去到英國大家聚下

記得訂閱我頻道啦

其他社交平台

如果覺得我Channel幫到你或者想打賞我，請用以下方法。
幫忙睇影片內廣告
請我飲杯咖啡
請我飲杯咖啡

商務合作flyflyengland@gmail.com
本頻道影片所有內容都經過我由各方面收集資訊、整合再加上個人意見而製作出來，因個人能力所限，難免出錯，所以大家睇完後只作參考，要Do Your Own Research，因為移民真係一件人生大事，唔好輕易信人。
00:00 開場白
00:44 Google Worksheet
01:30 網友Tips
02:28 移民英國 洗費
04:39 點解申請香港特區戶照???
06:02 BNO Visa申請注意事項
06:51 攞國際車牌
07:39 IHS / NHS有何分別 ???
09:04 租屋要幾錢 ???
09:43 運傢具到英國要幾錢 ???
10:45 Cut Cut Cut
11:23 機票買邊間好 ???
12:10 平靚正英國電話卡
12:55 移民英國 使費 竟然要咁多 !!!

source