#杜特爾特 #南海 #菲律賓
「中國人必須離開中業島，否則我方將派遣軍隊發動自殺式攻擊，以捍衛中業島。」2019年4月4日，菲律賓總統杜特爾特向北京放話。而涉及嘅就係南海問題，外媒更指係呢度，中國嘅法律便係武力，我哋今集一齊了解下情況！

點解杜特爾特咁嬲放話？咁係因為三個月以來，大約275艘中國船隻進入臨近中業島一帶地區，其中大部分係漁船同埋巡邏船，並係周邊徘徊，該島位於距菲律賓海岸唔到五百公里嘅南沙群島。

外媒立即加把口，話呢次係北京加強施壓和擴展勢力範圍嘅一種方式。2018年，菲律賓係中業島嘅菲律賓軍事駐地開展工程，目的係維修飛機跑道，加以現代化，並係沙洲建造一個海灘坡道以利運輸，呢個就係點解係2018年嘅12月，中國不斷加強行動嘅原因。

不過中國和菲律賓嘅關係有冇因此變得好差呢？定係美國喺度加鹽加醋增加事端呢？先同大家科普一下南海嘅主權和歷史問題，再同大家分析一下現況。

實際上，南沙群島同西沙群島嘅領土爭端已持續多年，涉及所有南海沿岸國家或地區。除左中國，菲律賓，仲包括越南，汶萊，印尼，馬來西亞，各自聲張呢啲珊瑚礁同埋沙洲嘅主權。呢兩座群島總陸地面積約二十五平方公里，而且大部分無人居住。呢片面積幾乎超過地中海一倍半嘅海域，具有極重要嘅地緣政治同埋戰略地位。

其實每年全球都有三分之一嘅貿易貨物通會過馬六甲海峽，當中包括80％嘅中國能源亦經呢度運輸進口。佢控制著儲存量約一百一十億桶嘅石油同埋天然氣，以及占世界12%嘅漁獲運輸。只要中國取得南海350萬平方公里控制權，就好有機會列入海洋強國，你話美國怕唔怕呢？當然出盡手段極力阻止！點解我會一直話美國喺度搞事呢，聽聽以下資料就清楚晒。

係主權問題上，祖國能夠提出較高強度嘅歷史證據，而其他周邊國只有推論證據，甚至不可考。咁中國就擁有對南海嘅「歷史權力」，而且兩場南海戰役都係中方勝利，成功控制好多島嶼，係事實上嘅南海勢力。但中國願意同其他國家用雙邊協商方式解決爭議，主張中方歷史嘅主權，爭議解決前可以共同開發南海資源。

從歷史觀點睇呢個地方全部島嶼同埋大量水下沉船遺跡證明中國歷史上係當地活動嘅漫長的歲月。對於南海主權嘅主張，最早可以追朔至漢朝，班固嘅《漢書地理志》已經有漢武帝派遣使臣從南海航行海外各國嘅記載。漢武帝時期開始管理南海疆域。1279年郭守敬提案「四海測驗」嘅詳細紀錄就有南海諸多島嶼，選定嘅27個緯度測量點之一就有黃岩島，《元史》地理志和《元代疆域圖敘》記載元代疆域包括了南沙群島。明代亦表明南沙群島屬於明代版圖。至清朝時，清政府分別係《清直省分圖》、《大清萬年一統天下全圖》、《大清一統天下全圖》等重要地圖上，將南沙群島列入中國版圖。一直都屬於緊中國版圖內嘅地方，點解外國借中國弱勢多年就想搶走？

而美國身處咁遠當然證明唔到自己擁有南海這塊肥豬肉，但係可以控制傀儡國家去搶奪主權，然後安插自己嘅軍隊係島上，咁就順理成章可以搶奪南海的資源。以前嘅菲律賓就是其中一隻棋子。其實美國同西班牙1898年簽訂嘅巴黎條約同埋1900年簽訂嘅華盛頓條約曾明確規定左菲律賓嘅領土範圍，並未包括南沙群島。但菲律賓為美國嘅聯盟關係，對於《南海各方行為宣言》表面依然採支持立場，單方動作較頻繁同埋劇烈表示出抗衡中國嘅立場， 2019年美國副總統蓬佩奧亦襯中菲發生矛盾時搞搞震，訪問菲律賓時表示，菲律賓一但係南中國海遭到來自任何一方嘅軍事攻擊，美國將挺身而出保衛菲律賓。

但美國的陰謀係菲律賓現任總統杜特爾特上台後就難以得呈，佢比上一任總統阿基諾三世較理性醒目、作風強硬又狠辣，唔願意做棋子，所以根本唔理美國搞屎棍，認為同中國交好係菲律賓經濟改善嘅唯一希望，將戰爭邊緣嘅南海問題突然降格成「漁業糾紛」。

2016年7月，荷蘭海牙常設仲裁法院，就菲律賓控告中國主張南海權一案，裁定中國主張南海主權無效。但中國係荷蘭輸左呢場「可笑嘅西方馬嬲戲」仲裁之後，依然係南海當地投入大量資金興建設施。當時好多新聞媒體還大膽預測杜特爾特當選後會點激烈反抗中國，但係後來菲律賓並沒無利用國際嘅仲裁結果採取任何行動。相反，杜特爾特2016年更發聲明：「菲律賓從軍事同經濟上脫離美國。」

外媒質疑杜特爾特係唔係比中國蝦定為對方搵理由，但其實佢先係最聰明嘅一位菲律賓總統。之前嘅菲律賓為美國同中國打生打死，得到嘅只有落後同埋腐敗嘅國家。但同中國關係改善後，中國開始比大筆錢，資助杜特爾特大規模嘅基礎建設計畫。而且菲律賓係南海問題上亦無失去利益，建設仍繼續，資源享用並無減少。甚至乎係2019年嘅中菲南海糾紛中，中國駐菲律賓大使趙建華立即處理事件，中國開展調查，雙方通過友好嘅外交渠道處理呢一個問題，表明不必擔心會引發衝突，事實亦都係咁。

從杜特爾特嘅講話中，佢明顯睇到美國一直以來嘅偽善。佢話「你仲要我開戰？我們只有兩架飛機，美國俾嘅，無其他武器。」佢仲話美國俾嘅呢兩架飛機，機翼下無裝導彈同埋火箭，「係我哋面前嘅係三千架解放軍嘅戰機。」同時佢拒絕以後再同美軍舉辦聯合軍事演習，杜特爾特話，同美國一齊演習，「我們就會完美？咩完美？係完美的送死機會。」2018年中旬中美貿易戰升溫後美國再次挑動南海，杜特爾特再次聲明「佢話向中國係南海硬碰硬，等於係下令要我嘅軍警集體去自殺，你認為佢哋會聽我命令嗎，所以只有兩種結局，就是我哋國家遭大難，或者就係軍警叛將我推翻」

有左中國嘅幫助，菲律賓可以係內陸嘅現代生活方面取得發展。杜特爾特話：「菲律賓係經濟上唯一嘅希望，實話實說，個嗰就係中國。」甚至誇張咁話若中國唔幫助菲律賓，「我哋都會進步，但係可能需要一千年咁耐。」「如果發生了戰爭，堅持一片水域嘅所有權仲有咩用呢？呢片水域並唔能夠帶來繁榮，而係愚蠢。」我非常贊同杜特爾特所講，美國若想同中國開戰，唔好剩係識搞一啲「隱晦小動作同埋口頭遊戲」，請美國先將第七艦隊全部調集，而且先開第一槍，唔好只識慫恿菲律賓、日本等對抗中國，將別國人民當「誘餌」，根本係犧牲其他人，完成大我。只會比人恥笑。希望越來越多國家領袖能夠清醒！

YOUTUBE🔎NTT Media 👆訂閱 🔔 即時通知
——————————————————
希望大家可以幫手：
1. 訂閱《新界主場 NTT Media》
2. 讚好並留言支持；
3. 將此影片分享開去，聚集更多香港人力量！

source