蘇格蘭獨立公投炸彈開始引爆
金馬倫同蘇格蘭首席大臣Alex Salmond簽咁嘅公投協議，為香港前途投下一個超級未知數。
好多人仲唔明BN(O)同蘇格蘭公投有乜關係，UK之所以叫UK，因為係代表蘇格蘭王國同英格蘭王國兩個君合（personal union）國家嘅結合，之後Kingdom of Ireland加埋入嚟。而呢個組合有好多奇怪殘餘物出現，例如Republic of Ireland嘅Irish連英聯邦公民都唔係，但保證喺英國本土有House of Commons投票權，Irish喺英國本土權利等同British咁滯，因為呢個同Kingdom of Ireland喺UK嘅殘餘物Northern Ireland有關。而蘇格蘭議會叫Parliament咁威水，議員係叫MSP，蘇格蘭嘅立法權又大過人，因為佢係蘇英合邦未出現前蘇格蘭議會嘅翻生嚟。
根本SNP班友嘅玩法，佢地嘅「獨立方案」事實係恢復Acts of Union 1707年前嘅狀態，因為呢個方法亦係可以令英蘇兩國共享皇室嘅唯一有效方法（蘇格蘭係本土嚟）。正如頭先講，Ireland都搞出一堆膠到無朋友嘅法律殘餘物出嚟，英國無歐洲戶籍制度下，兩個國家恢復1707年分開嘅狀態，點定邊啲人可以歸為British National，邊啲係Scottish National，喺技術上係極度硬膠。
以往殖民地分家無呢個膠問題發生，因為每一個英國屬地（colony）都係一個半獨立嘅政府，甚至香港政府喺1997年被倫敦譏諷為香港共和國（Republic of Hong Kong），因為港督經常為香港利益同倫敦抬槓。所以殖民地分家，邊啲係本土公民，邊啲係屬土公民係可以分。但依家蘇格蘭係本土嚟，一向無分，依家要分，點分？
所以一旦蘇格蘭獨立，本土嘅BC, BN(O)點分相對簡單，喺蘇格蘭公投果陣有份公投嘅BC, BN(O)可以default選擇為蘇格蘭公民（蘇格蘭唔可能再搞個SN(O)出嚟，唔駛入歐盟，蘇格蘭唔會咁做），但有權opt-out蘇格蘭公民身份保留BC or BN(O)。而英格蘭、威爾斯或北愛爾蘭嘅BC或BN(O)，就保留原籍，但符合一定條件可以選擇蘇格蘭公民，呢個技術上我相信倫敦同愛丁堡傾得掂數。
只不過海外嘅BC, BN(O)，處理不當會搞出大量膠官司，煩不勝煩，加上如果蘇格蘭真係離開，英國點都要「補充人口實力」，否則佢喺遠東嘅戰略地位，以及英聯邦使館計劃嘅鴻圖大計好難做，因為蘇格蘭肯定親歐過英格蘭n倍。所以我左度右度，2014如果SNP贏咗，好大機會出現係BN(O)要作出國籍選擇，蘇格蘭唔搞得SN(O)，但亦無理由由得英格蘭可以唔駛找BN(O)條BC爛帳咁著數。好可能結果係全面嘅國籍選擇，BC or SC，是但一種。（BN(O)係當英國本土國籍，唔似BNP係同英國某個保護國有關，當年英國設計呢件怪物出嚟完全無諗到BN(O)未死晒，蘇格蘭隨時會公投走咗）
所以蘇格蘭公投係大炸彈嚟，如果香港突然成百萬蘇格蘭公民，我食花生。而我鼓勵在英BN(O)登記蘇格蘭選民，甚至支持蘇獨，只要SNP個條件對香港人有利。
對港獨派嚟講，亦不妨借呢次公投，學習SNP嘅戰略，以及藉發動在蘇香港人支持獨立，有否有機會未來香港獨立，換取蘇格蘭嘅支持。
=======
BNO平權運動
雲海講BNO最新動態 【1】。
雲海講BNO最新動態 【2】
雲海講BNO最新動態【3】
英國新例容許，冇國藉BNO人士申請居英權。
Well Done!中聯辨要港人承認自已為英國人
「九両菜」持中國香港特區護照不等於中國公民？
愛爾蘭公投通過里斯本協議BN(O)可能成為歐盟公民
蘇格蘭兩年後舉行公投決定是否獨立