相信最近好多人都會諗住移民 所以依家喺度分享下我嘅經歷
Hola大家好 今日我想同大家分享下我喺墨西哥移民嘅經驗 相信大家近呢兩年都有諗過移民 好多人當然會係諗住移民去歐洲美國加拿大澳洲之旅 但係其實呢個世界咁大 仲有好多其他地方可以去 好似我咁差唔多五年前就決定搬咗呢墨西哥呢一度 依家做咗永久居民 首先簡單介紹下自己先 我喺香港土生土長 喺港大讀教育學士 牛津讀科學碩士 讀緊碩士嘅時候開始周圍搵工全球唔同國家都有 一開始喺上海搵到 但係因為搞唔清楚香港居民去中國做嘢有啲乜嘢要求 所以搞唔成 不過當然而家睇到呢個情況都真係好慶幸當年搞唔成 然之後喺台灣亦都收到offer 香港人去台灣做嘢其實係要多啲要求要搵一個擔保人 呢個擔保人其實要擔保嘅嘢好少只係要講明我係呢一個人同埋如果政府要搵我嘅時候要幫手去搵我 但係好多人聽到擔保人呢個字都好驚所以如果冇親戚朋友可能會比較困難 最後我揀咗去墨西哥因為一方面我從來都冇去過拉丁美洲所以我覺得無論點都好呢個都會係一個好好嘅冒險 另一方面我覺得自己若果可以成功走出東亞呢一個區域將來對我 作為英文教師呢個事業都應該會係好有幫助 同埋我覺得若果讀完牛津之後返返香港做嘢又好似好嘥咁 最重要嘅係人工福利方面呢一個都係最好
我呢一隻移民方法其實就係技術移民 當然你聽落好似要求好高咁但係實際上任何人只要有一個大學學位而你又有人請基本上都已經可以做到 我教緊嘅學校曾經呢幾年都請過另外兩個香港人 碩士學位都冇 要做到技術移民人工方面當然 亦要有一定程度 但係由於墨西哥唔係有錢國家 雖然佢個基本要求係會高過佢一般人人工 你公司請得外國人人工好容易可以達到要求 對我嚟講成件事好簡單 公司幫我搞曬所有嘢 當然佢哋搞嘅嘢唔係完美 例如我過咗兩年之後先至發現佢哋將我嘅國家同埋國籍都寫咗做中國 而實際上根據墨西哥嘅 移民系統我嘅國家係香港 國籍係香港華人 但係我唔需要填表唔需要畀錢 移民局的確要親身去但係學校嘅律師會同我哋一齊去 最重要要知道嘅其實係攞工作簽證唔可以喺墨西哥國土入面攞 我嗰陣時就要專登去加拿大等領事館處理4日 個過程都好順利畀錢交表交文件見移民官問幾個問題 賺幾多錢邊個請我 而且成個過程係用英文做 由始至終都唔需要西班牙文
之後做嘢每一年去續一次臨時簽證 過咗四年一般會自動變做永久居民 唔使再續 臨時居民有啲限制 例如好低機會會比信用卡你 呢一點佢哋唔會好清晰咁講你要做咗永久居民先 銀行會不停咁樣做傳銷 同你講已經批咗張卡畀你 但係實際情況係當佢知道你唔係永久居民或者公民就會話咁樣好難可以批到 我申請信用卡仲好驚險添 嗰陣時申請因為我銀行Santander 成日block咗我張提款卡 而且若果你想做自動轉帳一般嚟講係要用信用卡 用信用卡可以儲積分現金回贈儲飛行里數 但係如果你覺得呢啲唔重要其實冇需要用信用卡因為佢哋提款卡都會有Visa MasterCard 而且你畀人盜用張卡銀行都會畀返錢你 我每年大約畀人盜用一次 有時仲要用咗幾個月後我先至發現 銀行亦會退錢 咁講返我申請信用卡有咩咁驚險啦 嗰陣時我走去銀行同佢講你哋張American Express連遊客都申請得喎咁即係我作為臨時居民都可以申請啦 但係銀行職員話唔得 我就話咁如果你又唔畀文件我睇邊度話我唔申請得又唔畀我申請嘅話咁我就唔走啦 搞搞下佢哋報警 我嗰陣時以為佢哋只係叫商場保安 見到警察拎住機關槍入嚟嘅時候我都窒咗一陣但係嗰一刻就更加冇可能走啦 過咗一陣可能佢哋覺得冇可能叫警察拉個乜都冇做嘅人 所以佢哋畀我申請而且叫警察stand down 咁點樣先至可以成功申請呢 有一間銀行BBVA做慣外國人會出 或者公司出信畀你申請American Express 另一個方法就係畀錢銀行 信用額係會根據你畀幾多錢銀行定 幾個月後你畀錢畀得好佢哋就會主動同你講你可以申請真正嘅信用卡 作為永久居民亦有限制 每次出境我都要攞表 呢張表上機之前要去搵移民官揼印 返到嚟張表嘅下半部畀番移民官 而且法例規定我轉僱主轉地址轉國籍或者結婚離婚都要話畀移民局聽 我最近就係因為搬屋去移民局 專登走咗去一日去make appointment 第二日佢話我封信有甩漏所以要再去 第三日去佢哋唔記得將我個名擺落去 所以又要去第四次 第四次大約兩三個鐘之後搞掂 呢個係我人生路不熟第一次自己搞 如果你有律師幫手唔會浪費時間
想申請公民就要留夠5年 佢哋有個基本西班牙文閱讀理解 亦有公民測驗 呢個測驗有100個問題擺曬上網 你去嘅時候佢哋問十條 你要答啱超過一半 我識人唔識西班牙文都照樣攞到公民權 申請費唔高 但係如果你怕麻煩就應該請律師 律師會收一萬五千至二萬墨西哥比索 你可能會問公民權要嚟做乜 對我嚟講有幾個好處 第一就係你攞到外國公民權即係你唔使再做中國人 第二就係我唔使驚失去永久居民 而且你可以投票 雖然naturalized嘅公民係唔可以做某一啲政府職位 唔可以喺和平期間加入軍隊 護照亦都係一個保險 墨西哥國際政治上比較中立得罪人少 而且個護照始終都係一個身份證明文件 對我嚟講個問題係why not 當然仲有其他因素例如墨西哥南部同危地馬拉邊境其實基本上開放 墨西哥哥倫比亞智利秘魯亦都搞咗個太平洋聯盟 將來會搞freedom of movement 你可以隨便搬去呢四個國家 同埋好多拉丁美洲國家都係若果你本身係拉丁美洲國民你去第二個拉丁美洲國家 公民權要求會降低 例如墨西哥人去做哥倫比亞公民只係需要留兩年
咁其他方法移民又點樣呢 一開始做嘢嘅時候已經可以有伴侶同仔女簽證 成為咗墨西哥人更加容易可以sponsor 若果你伴侶本身係公民 你可以早一年申請公民權 即係四年就得 生仔亦都係另一個快啲攞公民權嘅方法 因為所有喺墨西哥出世嘅都係公民 所以你會變咗做公民嘅父母 仲有難民簽證 我識個委內瑞拉人 佢本身過嚟只係旅行探親 但係因為武漢肺炎返唔到去所以就索性申請難民簽證 一兩個鐘已經申請咗 第二日去攞臨時居民證 45個工作天內話畀佢聽簽證批唔批 等緊結果期間唔可以離開墨西哥城同埋鄰近城市 若果批嘅話就直接做永久居民 申請都冇要證明自己好慘或者生命受到危險
基本上呢個就係墨西哥嘅移民歷程 你只要搵啱公司完全唔需要煩 但係就算公司唔幫你 只要公司肯畀你每年請日假 完全唔係問題 如果你有咩想問可以喺呢度問 今日就講到呢度先啦 hasta luego
source