法謝霆

[娛樂新聞台] 肥媽欲效法謝霆鋒放棄外國籍 打算退休後到中山生活

肥媽欲效法謝霆鋒放棄外國籍 打算退休後到中山生活 最近內地對娛樂圈及粉絲文化嘅管理越嚟越嚴格,繼早前趙薇因曾披日本軍旗遭全面封殺,作品被影音平台一夜之間全面下架。早前網絡又流傳一份由國家廣電總局發出嘅「限籍令」封殺名單,當中涉及王力宏(美國籍)、李連杰(美國籍)、謝霆鋒(加拿大籍)及劉亦菲(美國籍)等擁有外國國籍嘅藝人,指佢哋難再喺中國舞台出現。雖然呢個封殺名單目前仲未得到證實,不過謝霆鋒喺前日(5日)已經率先表態,於央視節目話自己已經申請緊放棄加拿大籍。 愛國藝人肥媽(Maria Cordero)擁有葡萄牙國籍及血統,噚日有報道指佢會放棄葡萄牙國籍,並認為真係要去國內工作,取消外國國籍係正確嘅做法,相信嚟緊陸續會有其他藝人跟隨。去到今日肥媽再接受傳媒訪問,被問到係唔係有計劃放棄葡萄牙國籍,佢就話如果有法例嘅話,佢就會做,如果想喺呢個國家住,就要跟政策去做。之前佢都有加拿大國籍,不過6至7年前已經脫咗。傳媒再問佢本身有一半葡萄牙血統,肥媽就話自己本身係一半葡萄牙人,不過如果一定要揀,佢一定會揀中國。要做中國人就要跟中國嘅規矩,而佢亦以身為中國人而感到驕傲。最後佢仲話仲有兩年就70歲,嚟緊打算去中山過退休生活,因為廣州有好多親戚同佢覺得內地生活比較適合自己。 =========================================== #肥媽 #法謝霆 #新闻 #娱乐八卦 #娱乐 #hongkong #娛樂新聞台 #娛樂新聞 #揭密 #醜聞 #影壇巨星 source
- Advertisement -

Must Read

- Advertisement -Saint Lucia citizenship