首先因為鍾翰林被國安公署綁架，所以特別將節目提早一日出街，順手講下我既睇法同我一手收集既情況

建國大頁呢個節目講咩？大家心照
反正首先先同大家講一個最近好多人討論既問題，究竟應該移民英國定台灣好
移民究竟可以點幫香港贏返香港，我地下一集再講
今集先討論，移民英國同台灣既好處同壞處

原則上，移民英國之後因為身份轉變其實好難有機會再搵一個新家園
一旦去到先發現自己係英國生存唔到，其實你唯一可去既地方就只有返香港，前提係你唔會因為嘗試移民呢件事變成政治犯
一般無五百萬港幣身家既人，你唯一可選擇既發達國家就只有台灣一地而已
而一旦你選擇先移民英國，撈唔掂再考慮台灣既話
你要思考一件事，就係取得英國國籍後，你再移民台灣就必需先放棄你既英國公民身份，亦即係香港以外最後一個避難所會係英國，無其他

而假若你先移民台灣，一年後取得身份證，之後再視英國情況決定要唔要再用BNO Visa去英國
咁你可以同時保有英國、台灣、香港特區三本護照
一旦發現英國環境唔適合你，你仲有一個比較易適應既台灣可以去

當然，會有人解讀做咁叫勝利球迷
但移民既野，適應到就適應到，適應唔到你夾硬黎又點會有幸福呢？
最重要係萬一適應唔到，你係英國又無處可逃，被迫永遠留係一個你唔適應住得唔舒服既英國，變成人地既社會問題，又何苦呢？

世界上無天堂，如果你覺得有完美國家存在既，咁地球無處不是地獄
如果你知道每個國家都有自己問題，例如英國有d大城市既窮人女仔係要用非洲捐贈既M巾，然後作出最適合自己既選擇，搵到最適合自己，度身訂造既方案
咁你無論係幾艱苦既環境中，你都可以搵到專屬於自己既天堂

我唔會話你一定要移民台灣定英國定邊個國家
但我好希望你係做決定之前，先搵人諮詢
我願意提供免費基本諮詢服務，無論你個目的地係邊個國家都好，搵唔到更適合既人，至少黎問左我先，你係facebook讀史片個page搵我又得
寄email黎我呢度都得
osrreadhistory@gmail.com

諮詢完無幫襯無問題，救返一個香港人就係救返一個香港人
諮詢完想俾生意我做，我可以話你知邊間移民公司靠得住

台灣投審會今年初做左統計，香港投資移民入面有85%左右係假移民
唔係香港人要呃台灣政府，而係香港人俾不良移民公司呃曬600萬台幣既投資，係移民署既人係上第一堂時就公開同我地講架啦
我自己派既情報人員俾我既數據都係有七八成有問題
所以就算唔搵我，幫你睇你用個間移民公司既合約有無問題，都係我免費諮詢範圍

事實上我想攪呢壇野，主要都係唔想再見到香港人俾人迫到要走，走個陣都仲要俾土共開既公司呃身家
當然，既然要做，就專業地做，所以我親自去台灣考個移民專業牌照返黎，註冊埋公司，堂堂正正簽合約

最後二十分鐘會介紹個間信得過既移民公司既收費，好平架啦唔好講價唔該
放心，為左幫香港人，我會乜都跟到足既
#hooky

source